هر چی بگم عاشق تنم گل مو هنی کم گهتمه

ای دل بلالم ایگو وت دلبر و داغت سهتمه

 

جونم ایا سر لو دلم گل ار نبی  مو مردمه

 دلبر بیون  ار خت نبی غم روزگار سر گردمه

 

نازی مو نییم تا هلا چی ناز گل خم دلربا

یارم اگر تی دل مو بو ایویسه دل ور صد بلا

 

من تییلش عشقی دییم لیلی و پاش هم نیرسه

بالی سری خوش دونه که درمون ای دل بی کسه

 

وقتی اییی من ری دلم زونی دلم سس ایکنه

واتر ایابو خرسلم دلبر مو نونم سی چنه

 

چی تشک افتو ایدری تش ایزنی گل وی دلم

ترسم یه روزی گل بیی اما بویینی زر گلم

 

زر تشک افتو چشملت تولرز زشتی ایگرم

ای جونمه گل وت اییم مرحم تییلته ایخرم

 

یایی نیارم سی یه شو بی یای گل خم خو برم

ار قابلم زیتر بیو ار گل نیی دم او برم

 

زیتر بیو گل بو خشم ای داغ دیری ایکشم

طهره یه ماهی دم قلاب گل بی تو اصلا نخشم