دل ساویله...
چقه هی جهسم و جهسم نرسییم و دلم
که بگم دل خه د ویسا بسکه جهسم دکلم
دکلم سی دل ساویله ی بدبختره خم
که دمونی منه ای دل غم سه نیخره جم
غمه ای ایله که سر کف همشه خو زیه بی
غلیه غیرته تیشو د یهو کو زیه بی
دکلم سی دل بویی که سر دل دمره
د امییش و غله ش بی و غله ش بیثمره
دکلم سی دل بدبخت فقیری که هنی
منده آخر صف گرگل سی یه نونی و د نی
دکلم چی دل سهته ی که و سر گور کرش
که و جون وش نرسی دییه بی بندی وخرش
دکلم سی دل پا خردیه مردم به خدا
به خدا تا نوریسن نیدراین زر پا
چقه خلمر بگه مردم بسه ای زور ذلت
چقه هی دم من سر و نره من گوش ملت
چه کنم سی وطنم چی د نویسا و تنش
نه صیی کوگل مهسش نه صفی دار بنش
نه غلنگه ایزنه هم خین سیاوش که بسا
د وریسن همه بی یک تیر آرش و نها
نه د سرتوال دالل ایکنه گورشه گم
بخت خو رهته و خویه سر جاش نیخره جم
با سپاس فراوان اسداله زمانی (خلمر)
